性….人云亦云 ?! ….

當朋友們高談闊論 「性」時，你有什麼想法？
A : 「吹」囉, 人人都吹水，我咪又吹埋一份囉
B : 佢地講到咁跨張，又話自己攪過邊個邊個，都唔知係唔係真架啦 ….
C : 呢d野，係friend 先會講，返到屋企唔會講
D : 個個都講到自己d性經驗咁犀利，攪到我都想同我女友…..

朋友，有冇諗過，危機與及陷阱，就係從呢度開始？
彷彿呢個世界告訴你， 
做「青頭仔」的就一定會比人恥笑，
對性一無所知的就是傻仔，
所以我都要識呢方面既野，我要上鹹網，我要睇AV，我要破處…..
終於，和我女朋友上床了….
點知….比佢阿爸知道咗….報咗警，因為佢未夠16歲…..
我背負了「衰十一」這個罪名……

又或者 ….

同學仔 Send 咗條 link 比我, 
一打開，全部都係日本AV 嚟嘅！ 
睇下睇下，變咗日日睇，
睇完好多幻想，返學又諗，坐車又諗，
越諗越誇張…..
見到d 靚d 嘅女仔，我竟然想去強吻佢，
我係唔係有病啊？ 
呢d情況，點講比人聽啊？未比人笑過咩 …..

朋友，唔想咁樣，可以點樣呢 ?
而以上個種吹水文化，係唔係必然嘅呢 ? 
我地又可唔可以健康d睇性呢 ? 
其實我們對性有好奇，真係正常不過嘅事。
有性需要，也不是成年人的專利。

以上嘅故事，我哋認為當事人某程度上也是受害者，他們是扭曲了的性文化下的受害者！

因為他們浸淫在這樣的文化環境裡 :
1. 做男人，咩嘢都要夠膽試，咩嘢都要叻過人，咩嘢都要同人比。
2. AV片只強調男性如何獲得自己的滿足。
3. 報紙風月版成日講男人要「勁」!
4. 同學間既吹噓，忽略左對法例嘅認知同對人既尊重!
5. 色情網頁甚至講到被性侵犯既人，係會享受被侵犯既過程。

我地想你知道 :

1. 邊個話一定要同人比? 尤其係『性』，係非常個人的事，點比較！

2. AV片唔會講兩性之間嘅互相尊重，而且內容大部份都係假的。有調查顯示，日本成年男士的性生活滿足率為全球最差的之一，部份原因是由於他們太沈溺於看AV片，滿足於幻想之中，脫離了現實。

3. 報紙風月版的作者為求令讀者有觀感上的刺激，就寫到男人好像是一頭野獸一樣，除咗『性』就甚麼都不講，忽視左男性在感情世界既渴望同深度。

4. 個個都話自己同女朋友做過，冇人會出聲講『衰十一』(與未成年少女發生性行為) 的代價，可能係留案底，入教導所。就算對方係自願，佢既屋企人一樣可以報警處理。只要一報咗警，就喺按刑事案處理，進入司法程序，唔係講掂數就冇事。

5. 色情網頁從來唔會講比你聽，青少年人也許從未有諗過，女性一方在被侵犯時，所受嘅心理同生理傷害，喺可以一生一世地烙在心深處，毀咗人地一生。朋友，設身處地諗一諗，邊有人會喜歡被人不尊重地看待！

青年人，我們真的明白大家的處境，如果你正受以上既思想困擾的話，請找我們傾一傾，我們會非常尊重你的私隱和你的故事，也邀請你一同發展一個更好的，屬於你的生活模式，不需隨波逐流，人云亦云。