給阿清的信 – 你讓我知道，在這段日子是甚麼支持你繼續走下去！

阿清：

多謝你的信任和分享，在面對不明朗和各種未知的情況下來找我．

從我與你的兩次傾談中，不單讓我有機會聽到你如何努力面對這次事件，承擔做錯帶來的後果，也讓我見證你和身邊人那份「好深厚」的感情，如何支持你們繼續一起生活，也為你們的未來計劃。這些都是觸動我的！

在第一次見面時，你說自己在擠迫的地鐵車箱，在一時衝動影響下摸了旁邊的女仔兩吓。你當時承認自己有做過：「我覺得自己錯。做錯事，就要認」。當日，你亦將事情向太太講出來。

「好有決心唔會再做…也好想人哋明白」

你面對感化官和律師時，感到他們認為自己「空口講白話」、質疑自己。不過，這都並沒有動搖你「好有決心唔會再做…也好想人哋明白」。

太太相信自己…好重要

你珍重的說：「太太相信自己因一時衝動…唔再提…唔會再做」，這對你「好重要…覺得佢好愛我…佢唔係話點討厭、離棄」自己，更加肯定你「珍惜同佢嘅關係」。

當你回想和太太一起「拍拖、結婚、一齊十年…覺得好對太太唔住…佢知道件事一直都好唔開心，又令佢擔心」。你希望「令太太無咁難受，原諒我」。

從你和太太的關係上，你看到自己「供樓、做家務、會遷就佢，佢病時照顧佢，無女性朋友，大家都是對方的第一個情人」，你形容這是「盡責、忠誠、愛護」，這些都是你一直以來重視和珍惜的價值。

覺得世界好似玩完

你沈重的提到事件帶來的影響，由十一月頭「犯完案後好恐懼，好大壓力」，對於未來，覺得「我完全控制唔倒，無安寧，恐怖」。

你又回想「出事後，覺得世界好似玩完！係地鐵被拉，嗰晚八到十一點，係差館慍咗三個鐘頭…無地自容」，「嗰時諗太太唔會原諒，會離婚。平日同朋友傾，常識都知，任何一個女性都討厭被非禮」。你自責「一時之快…好醜、好愚蠢」，記得當時「女事主好兇惡嘅眼神」。面對前路，你擔心因犯刑事罪會「無咗份工」，也怕被父母知道。在你的擔心背後，可有訴說著一些你重視的價值？或是你一直以來所盼望的嗎？

「做錯咗就認」

你詳細講到「非禮」在那次是如何發生的，讓我知道在你身上出現的「非禮」問題並非單獨行事，它與一些情境和心態聯手，例如：「架車人多，好擠迫，身體貼到好埋，對方無反應」、「有啲博懵心態」、「個後生女仔，好靚…有想親近」。

你又想起「非禮」問題曾經給你一些甜頭，例如：「上網睇色情嘢」，令你「覺得女人越嚟越吸引…望多咗…靚女仔，想摸」。你回想「睇色情影片，帶來性衝動，會手淫」。「女人靚，吸引自己」，都成為「無人、悶嘅時候…日常娛樂，好普通…好似係本能」。

從傾談中，你發現「睇色情嘢」「覺得喺自己嘅嘢，影響唔倒人」，不過，「影響自制能力，也令自己本性迷失，犯法…是壞事」。

有機會講出影響你做出「非禮」的東西，對你在生活中抗拒「非禮」或它的「同黨」有帶來不同嗎？同時，你也發現一些支持自己抗拒「非禮問題」的東西，例如：「唔要自己做嘅嘢影響到人」！

你再次承認「做錯咗就認」，「有主動摸佢，唔講大話」，「去認也減低罪惡感，希望坦白從寬」，你也說到「希望別人原諒自己」是「知錯能改」。

「無得形容嘅愛」，是你「繼續生活嘅力量」！

你要守社會服務令的安排，在未來大半年的星期日，都要當八小時服務令下安排的工作。你再次重申「我喺有決心改過」，你說起「個問題唔係度，唔會有個諗法」，你也說「今次係個陰影，會成日警惕自己」，「人多地鐵唔入…唔再睇色情網，可以做的都去做」。

你和太太仍然擔心這件事可能會影響自己失去工作，你們為財政和生活商量和計劃「搵另一份工，賣樓，租樓」，你說同太太「一直都有傾…可以了解大家嘅諗法，相處遷就佢」。

你覺得太太原諒了自己，但件事帶給她的「唔開心、擔心」，你希望可以「修補，令大家回復以前咁」。你說見到太太唔開心，感到「內疚」，「以為傷害唔到佢嘅嘢，結果傷害咗佢，仲係道德上嘅」。

不過，對於可以「同太太有計劃，去傾」，你形容是「為大家將來嘅生活」，這帶給你「精神支持」，令你在「最低落、唔開心時，都唔會放棄」，是「繼續生活嘅力量」，這「大家一齊」帶來的「力量」，是「令自己振作嘅動力」。

「可以說出來」的不同

你說雖然這些都是在心裡有想到的，不過這次可以說出來，令你見到和太太的關係是「愛增加咗」、「感情好深厚」，「原來佢可以對我咁好，包容」，你叫這是「無得形容嘅愛」、「佢對我好重要」，你說這些都成為你「面對今次事」和「繼續行落去」的力量。

你希望「屬罪，唔想老婆擔心」！

這裡的文字，都是你和我在兩次對話中訴說的，也是你和太太發現「愛增加咗」、「感情好深厚」的見證！

願你與太太的生活順心：）

Francis（明愛朗天計劃社工）

16-7-2013

＊　這一封信可以刊出，是阿清希望以自己的故事，為別人帶來同行和支持！